Mjerë për të!

Zemër e sëmurë. Mendje e errët. I mbyllur. Sy bishtëzuar,  shikim shkurtë. Kokë ngritur, shpinë kërrusur; jo nga thjeshtësia, po nga tinëzia. Shpifarak! Ithtar iluzionesh. Nënshtrues i mashtrimit. Qenie e manipuluar. Mosbesuese, përgënjeshtrues i dhuntive! Dëshmon, nuk vepron. Flet, nuk realizon. Premton, tradhton. Niset, sprapset. Gjuha, më e zjarrtë se bërthama e zjarrit. Sytë, lënduese, shpuese, më shpuese se hekuri.

Lakmitar dhe urrejtje nxitës. Vetvete naive. S’di të lexojë. Jo më të kuptojë. Errësira, jo qetësi për të, por kob e trishtim. Qielli, jo strehë e kulm për të, por shurdhim e verbim. Pasues i verbët. Drita, për të, ndezës zjarr inati e zilie. Vepra, jo shtytje, por kokëfortësi e kryelartësi! Pasues i cytjeve të djallit. Vetvete e çoroditur. E inatosur. Mllef e vrer. Rrallë veten në pasqyrë shikon. Inatçor. Ndjenja të ngrira. Me kryelartësi gjaku i përzier.

Mjerë për të! Zemra e të cilit është sëmurë. Është prishur. E damkosur me ujin e ndotur, me hukamën e njerëzve të djallëzuar.

Mendime të errëta, utopist për dashakeqësi. Ngarendë për të fyer e për të injoruar. Bukëshkelës. Të dëgjuar të pluhurosur. Nuk ia pastron fjala e bukur, po doli edhe prej zemre; e as zëri i lehtë tingëllues, i qëndisur me ndjenja. Hije rëndë. Ironik. Njeri cinik. Fytyrë e vrenjtur. Qepalla të ngrira. Mërrolje edhe në bebëzat e syrit!

(Vazhdon)