Lindi më 22 prill, 1978, në Kaçanik. Rrjedh prej një familjeje me traditë dhe trashëgimi islame të ruajtur gjeneratë pas gjenerate. Në moshën 9 vjeçare mësoi leximin e Kur’anit prej mësuesit të tij të parë, imam, dr. Musli Vërbanit, prej të cilit edhe filloi t’i marrë mësimet e para islame. Prej moshës së fëmijërisë ishte i dhënë pas dijeve islame, i edukuar në frymë islame të gjirit familjar, në ndërgjegjen e tij ruante me krenari mësimet e Kur’anit dhe të Sunnetit. Shkollën fillore e mbaroi në vendlindje, ndërsa të mesmen e vazhdoi në Prishtinë, në “Alaud-din”, dhe u tërhoq për të vijuar studimet në Universitetin “el-Ez’her”, në Egjipt, ku kreu fakultetin e filologjisë arabe, nëpërmjet të cilit iu hapën dyert e dijeve islame. Është student në programin master në degën “Kur’ani dhe komunikimi”. Aktualisht shërben në xhaminë “Gazi Sinan Pasha” në Kaçanik, dhe arsimtar i mësim-besimit islam.