Rreth librave

         Libri është atraktiv, prekës dhe mbresëlënës. Dhe, vjen si një melhem në një kohë të zymtë ku shpirti i besimtarit përpëlitet dhe kërkon të kapet pas një fjale të ngrohtë që të marrë hov dhe të shndritë me gjithë forcën e tij.  Autori me pasion, sinqeritet e urtësi përpiqet të depërtojë në skutat më të errëta të shpirtit njerëzor. Tematika dhe përmbajtja e librit është në funksion të thirrjes që çdo njeri të vetëdijesohet për shkëndijën hyjnore që bart brenda tij. Shqipfolësi ka rastin që për herë të parë të lexojë një libër të shkruar me një stil kaq të veçantë. Leximi i tij na bënë që të frymëzohemi e impresionohemi nga përshkrimi dhe trajtimi i shkëlqyer i tij. Mënyra se si autori ka zgjedhur të shkruajë këtë libër është shumë e ngrohtë dhe komunikuese.  Autori ndan me ne margaritarë të përsiatjeve të tij mbi Kur'anin që konfirmojnë traditën humane e morale në Islam, për të shkruar jo vetëm edhe një libër si të tjerët, por një libër të vullnetit të mirë, të mbështetur mbi idenë e dashurisë ndaj Zotit dhe njeriut, që sfidon paragjykimet, kthen optimizmin dhe zgjon ndërgjegjen. Vargje kaq me shije të stolisura. Dobiprurëse për brezat e rinj.

       Libër që frymëzon dhe nxitë tek njeriu vlerat shpirtërore dhe mendore. Jep kurajë, besim dhe vetëbesim. Zbulon vlerat te besimtarët. Vë në lëvizje trurin dhe shpirtin. Pastron dhe shëron mendjet dhe shpirtrat e të rinjve. Autori dëshiron një besimtar të pastër dhe të shëndoshë.  Autori ia bën me dije çdo të riu se:  ti mundesh, ti duhesh dhe ti vlen. Ti që ke hyrë në Islam, ky libër të merr dhe për çdo ditë të ngritë lartë e më lartë. Mishërim i shpirtit me të vërtetën dhe rrjedhat e njeriut në këtë botë. E lidhë njeriun direkt për qiejt e Allahut dhe e sfidon mendjen e tij drejt kuptimit të vërtetë të të jetuarit.

      Autori Avni Tafili udhëton në profilet e njerëzve duke pastruar prej tyre të gjitha elementet e panevojshme dhe duke orientuar ndjenjat e tyre drejt thellësive të shpirtit. Ka zemra që jetojnë në oqeanet e dashurisë për Allahun, e prej tyre dalin fjalë që hyjnë në zemrat tjera po në atë gjendje. Autori në këtë libër sikundër dëshiron të na tregojë se është ai i cili po na ndjek, dhe me fjalë plot vlerë arrin tek lexuesi të mbjell kënaqësi shpirtërore duke i lexuar këto  margaritarë të gdhendura nga pena e tij.

       Ta lexosh Avni Tafilin do të thotë ta zemërosh dhe ta dëbosh ndryshkun e egos i cili mblidhet përgjatë orëve e ditëve që kalohen në një prej mëkateve më të rrezikshme, e ajo është kotësia. Kur dikush ka nevojë të gjejë për një rifreskim forcash dhe fuqish, shfletimi i këtij libri do e ndihmonte shumë; nëse besoni se na duhet një lexim, që njeriut do t'i siguronte paqe me Zotin, me veten dhe me botën, ky është një nga leximet e tilla. Libër që fisnikëron besimtarët. Të nxitë në pozitivizëm. Libër që zgjon besimtarët!  Ata që e njohin Avniun, le të luten që t'i pranohet kjo vepër nga ana e të Lartësuarit, ndërsa ata që nuk e njohin, le ta shfrytëzojnë këtë libër për ta parë profilin e tij shpirtëror si dhe për t'u takuar me frymën e tij prej një njeriu që posedon sëpatë tejet të mprehtë!